Posted by: Zedan | 19/05/2011

ناس متخلفة !!!

النهاردة الساعة 11:30 باليل كنت ماشى بالعربية فى روكسى وكنت واقف فى إشارة وكان فيها عربيات كتير برضه وطلع واحد عايز يكسر الإشارة وعمل يو تيرن بالعكس والإشارة قافلة وكان فيه إثنين عساكر مرور قالوله كده غلط ، ماعبرهمش وأصر يمشى غلط فعسكرى منهم قاله كده ممكن عربية تيجى بسرعة تخبطك ،  قام الراجل واقف ونزل من العربية وماسك شومة فى إيدة وبيشوح للعسكرى  (أى والله شومة علشان يضرب العسكرى ….  تخيلوا !!! ) وبيقوللة عايز إيه ” يله ” وشتم العسكرى ” بأمه ” قام العسكرى أحس إنه إتهان هو وزميلة وقلع القميص الفسفورى اللى مكتوب علية مرور القاهرة ورماه على الأرض.   أنا بصراحه مقدرتش أستحمل رحت نازل من العربية أجرى علشان أضرب الراجل ولقيت أثنين رجالة برضة نزلوا من عربياتهم ورايحين يقولوا للراجل إنه غلطان وقليل الأدب ، فلما لقانا كتير كده قام رجع عربيتة وجرى.   رحنا للعسكرى وإعتذرناله وأنا عن نفسى قلتله ما تزعلش إنت كنت بتشوف شغلك وبتؤدى واجبك لكن هو اللى بهيم وقليل الأدب.    طبعا الأثنين عساكر المرور كانوا حاسين بالإهانة والشتيمة مع إنهم مش غلطانين.

شفتم بقى التخلف اللى إحنا فيه……


أترك تعليقـك هنا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: