النهاردة خطبة الجمعة فى الجامع اللى كنت باصلى فيه كانت عن اليقين بالله واليوم الآخر، والخطيب ماشاء الله إستفاض فى شرح وترغيب الناس باليقين بالله واليوم الآخر. يعنى مثلاَ الناس اللى داخلة الجامع دى علشان تصلى مش مؤمنة بالله وعندها يقين بالله واليوم الآخر؟!!!!!
الراجل ماقالش كلمة عن اللى بيحصل فى البلد ولا الجنود المصريين اللى أستشهدوا على الحدود ولا خطط إسرائيل فى تأمين حدودها بدخول سيناء ولا حتى الغارتين اللى كانوا على غزة إمبارح ولا حتى كلمة عن سوريا ليبيا واليمن.
وأنا رايح الجامع سمعت جامع تانى الخطبة فيه عن أصدقاء السوء وان المرء على دين أخية، مش المفروض الخطبة تتكلم برضة عن أحوال الناس ومعيشتهم ومعاملاتهم وتنويرهم على الفتنة القادمة. صحيح حافظين مش فاهمين. مش هو ده الخطاب الدينى اللى كانوا بيتكلموا إنه لازم يتغير شوية؟ طبعا المفروض طبعاَ إن الخطبة يكون فيها جزء تعليم دينى، بس برضة لازم يتكلم فى أحوال ومعاملات الناس.
زيــــــدان اون لايــــــــن 
أترك تعليقـك هنا