Posted by: Zedan | 19/01/2012

معظم الناس سطحية

من كام يوم كنت عند الحلاق باليل وكانت الساعة تقريباً 11 باليل وكنت فى أخر اليوم وتعبان من الصبح.   وأنا قاعد بحلق كان صاحب المحل قاعد وناس تانية مستنيه دورها والحلاق طبعاً.  وكانوا عمالين يتكلموا عن الثورة والإخوان والحاجات اللى الناس بتعتبرها تسلية.  وطبعاً أنا كنت تعبان وبسمع ومش مشترك فى الأحاديث السطحية بتاعتهم،  كان باين عليهم سطحيين جدا.   ولكن فجأة إنتبهت وإضطريت أتكلم.

كان التليفزيون شغال وجايب مظهر شاهين بيتكلم هو وأيمن نور وممدوح حمزة فى مؤتمرعلى موضوع التحقيق بتاعهم فى أحداث مجلس الوزراء وطبعاً الناس اللى كانت قاعدة قعدوا يتكلوما وواحد سأل مين ده،  فواحد رد علية:  ده إمام جامع كان فى مظاهرات مجلس الوزراء .  وكان البرنامج اللى جايب المؤتمر ده جاب سيرة “نوارة نجم” على خلفية إنها كان بيتحقق معاها برضه،   فتكلم شاب من القاعدين معايا واضح إنه مثقف معلوماته غزيرة وقال:  وعلى فكرة نوارة ده إتقبض عليه برضة علشان بيحرض وإعترف فى التحقيق،  فرد صاحب المحل وقال له:  إعترف!!!  فرد الشاب وقال له أه ه.    طبعاً رديت عليهم وقلتلهم: على فكرة نوارة دى واحدة بنت، فالشاب إستغرب،  ورد اللى قاعد بيحلق جنبى –  أه دى بنت نجم بتاع الأشعار.

فرد عليا الشاب:  لا لا أنا قصدى على حد تانى إعترف بس مش عارف إسمه.   فقلتله أحمد أبو دومة هو اللى إتقبض عليه بس ما أعرفش إذا كان إعترف وللا لأ.   فرد عليا:  أيوه ، هو دومة ده.

المهم، كملوا كلامهم مع بعض تانى وكان محور الحديث إن الثورة دى جابت البلد لورا ، وإن أيام حسنى مبارك كانت أحسن من وجهة نظرهم.   وعلى ذلك قال الشاب: مش أيام مبارك كان فيه أمان؟ لكن دلوقتى فوضى.  وأكد على كلامه صاحب المحل.    وإنحصر حديثهم عن الثورة وإختزلوها فى إنها مجرد شوشرة سببت الإزعاج وإن مبارك كان أحسن ولم يتطرق حديثهم عن أى شىء سياسى يذكر.

أعتقد إن فى ناس كتير جداً زيهم كده.    مش حقوللك هم مش عايشين فى البلد، لكن واضح إنهم لا بيقروا جرائد ولا بشوفوا تليفزيون.    محصلوش حزب الكنبة أصلاً.   ده حزب الكنبة كان قاعد على الكنبة بيتابع الأحداث


أترك تعليقـك هنا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: