أنا أصلاً من السنة اللى فاتت وأنا باشتم فى الإخوان من قبل إنتخابات الرئاسة ولسانى دلدل من كتر ما باتكلم مع الناس وأحاول أقوللهم الإخوان حيعملوا فيهم إيه إذا حكموا. لكن طبعاَ نغمة إنت فلول ويابتاع شفيق واتريقة هى اللى كانت ماشية واللى إنتخبوا مرسى وقبلها حمدين وأبو الفتوح وعمر موسى كانوا فاكرين إنهم عباقرة وفاهمين اللى بيحصل وأثبتت الأيام أنهم أغبى الناس. ولما مرسى نجح بالتزوير كانوا فرحانين ولما حد يقوللهم حتشوفوا الإخوان حيعملوا فيكم إيه يضحكوا ويقولوا نمشيهم. ولما كنت أقوللهم إن الإخوان لما حيحكموا مش حيطلعوا إلا بالدم يضحكوا أكتر.
ومرت الأيام وأثبتت إنى كنت صح، وأندهش جداً لما ألاقى الناس بتشتم فى الإخوان ومرسى. سبحان الله فيكم ، ما أنتم كنتوا عارفين زعلانين ليه بقى.
الحمد لله على نعمة العقل والحمد لله إنى مطلعليش ديل حمار أو ليِة خروف.
زيــــــدان اون لايــــــــن 
أترك تعليقـك هنا