زيــــــدان اون لايــــــــن

 من كام يوم إفتكرت الفترة اللى جائت بعد الثورة وخصوصاً فى الكام شهر بعد إستقالة شفيق وأيام عصام شرف.    فى الفترة دى اللى كلنا مش عايزين نفتكرها كانت البلطجة نظام حياة يومى وأخبار السطو المسلح والخطف  إقتحام السجون زى أخبار الصقس كده،  وبدأنا نسمع عن العصبات اللى بتتحكم فى المدن الصغيرة والقرى .    وفى الأيام دى الجيش كان بدأ ينتشر فى مدن مصر وبيدعم الشرطة فى ضبط البلطجية الهاربين من السجون.

البلطجية دول كانوا بيعتدوا على كبار السن وبيخطفوا الأطفال والشباب مقابل فدية وبيغتصبوا السيدات والبنات.  يعنى حلال فيهم القتل.    وفى الوقت ده كانت القنوات الفضائية مليانة بناس غريبة بتطلع كل يوم ومش عارفين بينزلوا علينا منين،  ومنهم الناس بتوع حقوق الإنسان وبيساعدوهم طبعاُ العيال على الفيسبوك يطلعوا كل يوم يعترضوا ويشتموا فى المجلس العسكرى ويقولو أين حقوق الإنسان ، يجب أن لا يجاكموا محاكمة عسكرية،  يجب أن يحاكموا أمام قاضيهم الطبيعى  وكلام مالوش لازمة.

لو حد فيهم كان جرب إن حد من البلطجية دول يغتصب مراته أو بنته أو يخطف إبنه أو يقتل أبوه كان زمانه قال كلام غير ده،   لكن طبعاً أياميها كانت هوجة وكله طلع من البلاعة بعد ما غطاها إتكشف.

 المهم اليومين دول من بعد ماربنا إبتلانا بمرسى وبعد البلاوى اللى شفناها مابقيناش نسمع منهم حاجة .  ياترى راحوا فيين؟! هى موضة حقوق الإنسان إتغيرت وللا إيه؟!    إللى ماسمعناهمش فى أى قناة بيتكلموا فى أى قناة بعد اللى حصل فى الناس فى الإتحادية وبورسعيد

طبعاً كلنا ضد اللى بيحصل ده لكن ده يأكد إن الفترة اللى بعد الثورة دى كانت فترة مزيفة ولبسناها.