Posted by: Zedan | 24/03/2013

شعب بلا رحمة يستاهل اللي بيحصلة

اليوم السبت 23 مارس 2013  الساعة 11 صباحاً

كنت ماشى بالعربية قريب من سيتى ستارز وكنت واقف فى الإشارة اللى قبل المول فى الإتجاه مابين محطة وطنية ومدرسة فاطمة بنت مبارك.  كانت الإشارة حمراء وواقفين عادى منتظرين العد التنازلى يخلص ونتحرك لما الإشارة تبقى خضراء.   وفى أثناء الإنتظار سمعت صوت عالى جاى من الخلف عمال يقول بصوت عالى ”  خلاص خلاص والله حمشى والله حمشى ”  (يعنى سأذهب من هذا المكان)   ،  ثم ظهرت سيدة عجوزة جداَ فقيرة تلبس ملابس رثة وإتضح لى إنها هى مصدر الصوت وبتجرى ورا واحد من بتوع الأمن بتوع سيتى ستارز (العيال الطويلة الجديدة فى سيتى ستارز دى اللى لابسة أفرولات وبيادات ومكتوب على ظهرها بالبونط العريض SECURITY)  وياعينى  الست بتترجاه إنه يرجعلها الكيس الأسود اللى خده منها (الكلام ده فين ؟  فى الإشارة من الخلف يعنى عيد عن سيتى ستارز خالص.    وبعدين جه واحد تانى زيه كده وخد منه الكيس وراح زقه للست بقوة كده وهو بيبرقلها بعنيه وبيقولها ” خدى ياللا وأمشى من هنا وماتجيبليناش الكلام.

الكيس ده كان فى مجموعة من مناديل الجيب بتبيعهم فى الإشارة.   يعى الكيس كله مايحصلش 20 جنية.

أنا كنت متضايق من المنظر جداً،  طلعت بالعربية قدام ووقفت أشوف،   راحت الست خدت الكيس ورجعت ورا وبعدين عدت الشارع ناحية السور بتاع الجيش ومشيت من أمام سيتى ستارز ((جنب السور الناحية التانية)) يعنى بعيد برضة.   والست ياعينى مرعوبة  وماشية جنب السور وعمال تبص وخايفة ليكونوا شايفينها ومشيت ناحية الشبراوى بتاع السندويتشات.

كدت أن أبكى.   صحيح أن رحتلها وأديتها اللى فيه النصيب لكن كنت غضبان وحزين فى نفس الوقت.  غضبان من العيال الزبالة دول اللى بيفردوا عضلاتهم على واحدة عجوزة ومسكينة وبعيد أصلاً عن مكان سيتى ستارز.

وكنت حزين لأنى تأكد إن اللى بيحصل فى البلد دى بسبب أهلها.    لما تنعدم الرحمة بين الناس والقوى بيتمنظر على الضعيف لازم البلد دى تبقى كدة.   وتذكرت أن من لا يَرحم لا يُرحم .

أنا لو كان بإيدى كنت دوست بنزين وهرست العيال دى.  والعيال دى لو كان طلع لهم بلطجية وللا شوية عيال صغيرة ماكانوش يستجروا أنهم يتمنظروا عليهم زى ما عملوا مع الست العجوزة.


أترك تعليقـك هنا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: