الموضوع ده كنت دائماً أتكلم عنه، وأدعوا دائما لعدم تصديق كل ما ينشر بدون تحرى الدقة ومصدر الأخبار. وخصوصاً الرسائل الإلكترونية التى يتم إستقبالها ومن ثم إرسالها لكل الناس بدون حتى التفكير فى صحتها ولو للحظة.
يعنى مثلاً أكيد كلنا إستقبلنا هذة الصورة التى تقول أنها لجن حقيقى بعض الشباب فى الإمارات سمعوا صوت غريب فى حد الكهوف و….. و مات الشخص الذى إلتقطها و …….. وكلام عبييييط كتير.
صورة الجن التى إنتشرت على الإنترنت
واللى يغيظك إن فى أحد المنتديات واحد أهبل يقول الشيخ الفلانى (أى إسم) قال إنها صورة حقيقية و و و ثم أضاف بعض الآيات القرآنية لترهيب القراء.
زيــــــدان اون لايــــــــن 
[…] النوع التانى ده هو اللى أنا بسميه الإمعة الإلكترونية. قال رسول الله صلى الله عليه وسلم : (( لا تكونوا إمعة ، تقولون : إن أحسن الناس أحسنا ، و إن ظلموا ظلمنا ، و لكن وطنوا أنفسكم إن أحسن الناس أن تحسنوا ، و إن أساؤوا فلا تظلموا )) ، وفى الحقيقة الناس الإمعة دول موجودين بكثرة على الفيس بوك ودول إما بسبب إنهم محايدين معندهمش رأى محدد وشايفين إنهم المفروض يشاركوا بالمعلومة اللى بتجيلهم (ومشاركة المعلومات مش حاجة وحشة طبعا لو كانت معلومات حقيقية ومفيدة) أو ناس لسه جديدة على الفيس بوك وبتحاول يبقى ليها مكان فى الحاجة اللى كل الناس بتقول إنها فجرت الثورة. مثلا تلاقيه كان بيشتم فى الثوار وبيتأسف للرئيس وعما يعمل شير لفيدهوات عن الرئيس وإنجازاته وبيكتب إعتزارات ليه وعمال يحذرنا إننا حنشوف أيام سوده من بعده، ,إذ فجأةً تلاقية بيعنل شير عن أخبار قضايا الفساد اللى ظهرت وقد إيه الحكومة كانت منيلة بنيله. أنا مره إتنرفزت من بعض الناس على الفيس بوك لما لقيت شير لصفحات واحد بتأيد أحمد شفيق والتانية بتأيد عمر موسى والتالته بتأيد كمال الجنذورى لرئاسة الوزراء، واللى يغيظ تلاقى مثلا نفس الشخص بيشيرلك التلاته، طيب إزاى يعنى؟ مش ده بالذمة يبقى إمعة. وزى ما فيه بريد إلكترونى، إستثمار إلكترونى أو تجارة إلكترونية ، فيه برضه إمعة إلكترونية. وده بيفقكرنى باللى أنا كتبته فو المقاله دى: https://mzedan.com/2010/08/08/electronic-stupidity […]
By: إمعة إلكترونية « زيــــــدان اون لايــــــــن on 02/03/2011
at 9:30 صباحًا