Posted by: Zedan | 21/03/2011

نتيجة الإستفتاء على التعديلات

النتيجة ظهرت إمبارح بالليل وكانت النتيجة نعم بإكتساح 77% .  ومحدش قبلها كان يعرف النتيجة .  أنا صوت لصالح التعديلات وقلت نعم وكان عندى إحساس إن معظم الناس حتقول لأ وكنت باسمع الناس بتتكلم حوالين اللجان وناس أصحابى إنهم حيقولوا لأ ولكن للدهشة نسبة نعم كانت كبيرة جدا.

أنا بصراحة شايف إن معظم الناس بما فيهم إخواننا المسيحيين اللى قالوا لأ إختاروا رأيهم بس عندا فى الأخوان المسلمين مش موضوع تفكير فى الديموقراطية.

عموما أنا بصراحة كده إطمنت إن الشعب بدأ يهتم ويفكر وإن الناس الكتير اللى كانت عملة قلق فى الأيام اللى فاتت حيتخمدوا بقى علشان نبتدى نشتغل بجد ونبنى البلد

ملحوظة:  أنا متغاظ جداً من المصريين فى الخارج اللى كانوا عمالين ينشروا موضوع لأ وبيحذروا الناس وهم أساس لا حيصوتوا وملهمش دعوة بالموضوع.


Responses

  1. أول إمبارح دعت الجمعية الوطنية للتغيير (اللى هى بتاعة البرادعى) للتظاهر يوم الجمعة للإعتراض على نتيجة الإستفتاء.
    طبعا لما قرأت الكلام ده قلت “هو إستهبال وللا إيه” ، يمكن علشان البرادعى إنضرب؟ يمكن!
    وبمناسبة ضرب البرادعى، لجنة التحقيق لما سألت عرفت إن البرادعى يوميها نزل من السيارة و الصحفيين المتابعين له ومؤيدية نزلوا من سيارات مرافقة وحاولوا يدفعوا الناس ليفسحوا المجال لدخولة وتخطية الناس اللى واقفة علشان يدلى بصوته مع إن فيه ناس كتير كانت واقفة بالساعات ، وكمان إيه ، المؤيدين بتوعوه عمالين يزقوا الناس ويقولو لهم وسعوا للريس !!!!!
    طيب ما هى الحركات المستفزة دى هى اللى خلت الناس تعمل كده وعندهم حق، وكمان غباء، يعنى إحنا فى ثورة ومشينا الرئيس وبنتكلم عن العهد الجديد اللى مافيهوش تسلط ولا إستعلاء تيجوا إنتم يا مستفزين تزقوا الناس اللى واقفة ساعات فى الطابور وتقولولهم “وسعوا للريس” علشان يخش يصوت على طول من غير دور؟ ده رئيس الوزراء ماعملهاش.


أترك تعليقـك هنا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: