إمبارح إتفرجت على حلقة أحمد سبايدر فى قناة الفراعين مع توفيق عكاشة. بغض النظر عن عكاشة وصفاقته وأسلوبه الأهبل وإعتبارى فى بعض الأحيان إن برنامجة ماهو إلا برنامج كوميدى ولكنى كنت مهتم بمشاهدة هذة الحلقة. أحمد سبايدر ده كنت متابعة من الأول من أيام الثورة وتحديدا لما بدأ إسم وائل غنيم يتردد وأنا كنت من الناس اللى مش مصدقين وائل غنيم، ولقيت الشاب ده (أحمد سبايدر) كلامة منطقى جدا ويستحق التفكير فيه. صحيح إن هذا الشاب لا يستطيع التحدث بطريقة إعلامية (تجيب إعلانات يعنى) وعلشان كده مفيش قنوات عايزة تستضيفة ولك يحسب له مجهوده فى جمع المعلومات وربط الأحداث والتواريخ ببعض وبصراحة أنا مصدقة جداً فى كل اللى بيقوله، وأتمنى إنه يجد من يرتب له كلامه ويظهره فى الإعلام زى ما التانيين بيتكلموا.
إتفرجوا على الحلقتين اللى عملهم فى الفراعين وأرجوا عدم الربط بين طريقة كلامه اللى فيها نوع من الإسترسال وعدم الترتيب والتركيز على الحقائق اللى بيقولها وربط الأحداث والتواريخ ببعض
http://www.youtube.com/dedeltayar
صحيح الحلقات طويلة لكن أعتقد إنها تستحق المشاهدة
زيــــــدان اون لايــــــــن 
أترك تعليقـك هنا