Posted by: Zedan | 18/02/2013

من مكتسبات الثورة

image

الصورة دى اخذتها النهاردة وأنا راجع من الشغل، وبقالى فترة بعدى عليها وأنا متغاظ. الصورة دى. للرصيف بتاع مترو عبد العزيز فهمى (اللى كان علشان مبقاش فى مترو دلوقتى فى مصر الجديدة) وتحديدا فى محطة المعلمين. المنطقة دى كانت من المناطق النظيفة والراقية فى منشية البكرى واللى ساكن قريب من المنطقة حيعرف قصدى. أيام ما كنت فى ثانوى كنت بركب من المحطة دى لكن فى إتجاه الميرغنى ومكنتش لوحدى، كان فى تلاميذ كتيير فى ثانوى وإعدادى بيركبوا من المحطة دى. ايام احداث الثورة وتحديدا فى أيام حظر التجوال بعد التنحى جه واحد ماشى رمى كيس زبالة تانى يوم الكيس بقى كيسين وتالت يوم بقوا تلات اكياس وهكذا الى ان اصبح مكان تجميع الزبالة متعارف علية لدرجة إن كل اسبوعين تلاتة بتيجى عربية نقل كبيرة تشيل الزبالة. واصبحت الناس فيما بعد بترمى الرتش من بيوتها كمان. السؤال اللى مش لاقيله إجابة، إزاى السكان قدام المكان ده ساكتين؟ والسؤال التانى إشمعنى بعد الثورة بقى المكان ده بقى مقلب زبالة ، هو قبل الثورة كانو بيرموا زبالتهم فين ؟!! وأخيرا أقول إن ربنا يحاسب أول واحد رمى كيس خلى ناس كتير قذرين زيه يرموا زبالة فى المكان ده.


أترك تعليقـك هنا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

التصنيفات

%d مدونون معجبون بهذه: